<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d10102793\x26blogName\x3dBeauty+in+the+Beast\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttp://beautyinthebeast.blogspot.com/search\x26blogLocale\x3den_US\x26v\x3d2\x26homepageUrl\x3dhttp://beautyinthebeast.blogspot.com/\x26vt\x3d1533325655046733383', where: document.getElementById("navbar-iframe-container"), id: "navbar-iframe" }); } }); </script>
Beauty in the Beast
5/31/2005
閣下自己 feel 下
最近怎樣也寫不出順眼的東西,寫了又刪,心情其實還可以,只是沒有機會在這兒立刻記錄下來。寫作是非常即興的事,也非常個人,有心就唔該馬上死去寫/ 出書/ 搞發佈會,有幾多就寫幾多,寫完仲要改下 D 別字之類,係團火未熄之前啦啦淋寫底佢。

機會就係咁,走之前絕對唔會通知你一聲。
 
5/30/2005
屎忽痕
美人是這樣細膩敏感,只須幾個字跟少許動作就能讓我煩憂半天。在愛情世界裡,什麼東西都比實物放大好幾百萬倍,亦喜亦愁;不是這樣的關作係又叫人發悶,好乜煩麻。 
5/26/2005
星一星
美人從不為五斗米斷腰 - 直至戶口得番五百蚊 o既時候,乜 Q 野都要做住先。幸而天生異品,異常優質個隻,禽日已經番緊份工,係間 Spa 做 Receptionist, 公司賜封為 Customer Services Officer, 個朵懶有野,我呸!都係接下電話、埋下數,同 D 八婆嘻嘻哈哈咁樣。跟她們不知不覺又去到愛情的話題裡。

她拍了十年拖無得嫁,還是愛情裡一切都願意的天蠍座,對方是自我中心到咩都睇唔到的白羊麼,十一年之後分手了,家陣同一隻獅子座,起碼有點良心,其實天蠍吸引力咁大,使乜愁無拖拍?怕只怕遇到的對象唔多合心水呢!當然呢隻天蠍自己都無擔心過;另一個她是水瓶座,對話流暢,冰雪聰明,睇男人唔睇外形,個個都係靚人 (呢一點天蠍、金牛、獅子、雙子同埋天秤就唔得啦),話說上一個巨蟹男有多傷春慈悲秋,多姿整多慢吞吞,我邊聽邊笑,口中道:「係呀!深表明白呀喂!」相信她是一個很好的玩伴;還有人馬座的她,鐘情特別男人,最緊要有性格有主見,幾靚都無用。

了解星座還不及跟真人星座對話吸引,知道還是要用雙眼看見及用心感受才合格,金牛的實際非常大概就是這樣吧。
 
5/23/2005
勸世文
當然我知有 D 人就算拍左拖都係咁樣生活,無話特別興奮或者有乜大改變,呢班人當然無做錯野,只係求神拜佛咪比我同佢地一齊,我知我對愛情有很多要求,但我都知有很多人同我一樣有著一樣的想法。既然係咁,就無謂搞住大家,各自各搵食罷啦!

註:我跟我的愛人感情很好,有心!有心!
 
5/18/2005
疾呼
講 D 最乜老土既野過你聽:「人總是失去時才曉珍惜。」呢排美人日日週圍『包雲吞』(註:傷風實用好多紙巾嘛,你明啦~),只有一隻手可以運作,冷不防就會打幾個黑癡,癡到人都忽左,想好好地抖啖氣個鼻又塞住,大嫂呀~~~~ 正常呼吸下都唔得,你話幾唔方便呢!

有人同我講,我做得太少運動、又唔晒太陽、又唔食肉,所以我身子先會咁差;咁我又唔信喎,有班友仔夠係見光死,人人坐「痾 fit 屎」,又唔見佢地病乜死?!(我有個 friend 從來唔做運動,食七咁食仲有六舊腹肌添,死未?)講到尾,體質唔同姐,關咩事呀!我呀爹同我一樣,個鼻年中無休,真係世代相傳囉……

CWB 既新居又要交租啦,加埋其他野,我個 a/c 剩番 $500,好有危機意識呢我!呢排仲要窮先泥病,睇醫生都唔少錢架,真係好難捱;做啦做啦,有工請我就做架啦,無錢乜都要做住先啦,妖!不如我今晚走去做瓜個業主啦,趕狗入窮巷呀你,無陰工,嗚嗚~ 等我扮天修你啦!

你知唔知講唔到野、唱唔到歌、跳唔到舞又幾辛苦?真係悶死我,想話暴食都無胃口,係街見到個麭想買都要忍手,剩係識得訓,成舊垃圾咁,好黑人憎,好想即刻好番,然後番工搵錢……妖!又打乞癡,好辛苦!

我知呢篇野無乜主題架啦,你就柚我啦~ 傷風嘛!(救命呀!)
 
5/17/2005
聖旨到
前兩日白癡又 sip 親,頭重重、成身軟奶奶、個鼻塞住好 Q 辛苦,鼻水長流不息 (長流不息好似係首歌)、有好多野想寫,無力無助,要勤練番氣功,操番 fit 先得……

願天下泥民百姓

祝願美人我
身體爆健康!飲勝!!!!Yeah~~~~~~~~~~乞癡! 
5/16/2005
惜緣
後生個時正一貪靚鬼,亂咁節食/ 斷食 + 發瘋做運動,健康一落千丈,家陣傷風喉嚨痛呢 D 友仔簡直係家常便當,幾時想唔想要都有,早前頂唔乜順,走去跟高人學氣功,巧果卓越 (但真係要日日都勤力連架!),話說高人曾經在課堂上講過緣份這回事。

「每人都有唔同體質,要係都市裡面健健康康都幾難,但唔係無可能。講番體質,有人成日都有 D 小病仔跟住,點醫點小心都好易病 (妖!咪係我囉!) ,有學生走泥問:『點解我咁注重健康,做左咁多都會病既?』一臉無奈。我答佢呢 D 病仔同你有緣,你試想下因為呢個病,你成個人小心左幾多呀?成日睇醫生,keep 住咁 check,其他大病都埋唔到你身啦。久病成醫,當中你對醫學也有較多認識,無形中幫助唔少身邊既人,你話正唔正先?」

「緣份總是好的,有緣才能千里相會,分辨好與壞相就要看你的修為與悟性啦!」

你以為佢走泥扼你感情,出面仲有幾隻釣住正一人粉,枉你對佢一片癡心 (加妄想) ,實在係死左好過;喂呀~ 比你係藍藍大海中搵到你鐘意既人喎,不知幾好彩呀你!有 D 人成世都係處,仲要等到乾晒都未聞過愛人香架,你真係要睇開 D 啦,仆街。

P.S. 喉嚨還在痛…… >o<
 
5/13/2005
秘密情書
致 愛人:

有時候,我真的不明白怎樣去證明這一份
好像做什麼也有不足夠、也有不夠諒解、也有不聰明
不只一次,我想就這樣在你跟前了結自己
好像唯有這樣,才能讓明白一丁點......

還在活的愛人
 
笑裡藏
「看他己經胖得像頭豬,還在吃旦糕,真嘔心!」

聽了以後,獨身走到房間,吃著淚水加旦糕的甜與咸,可能真是太胖,但也不用這麼恨吧?朋友的媽媽來找我,問我什麼事,我一臉笑容跟她說:「旦糕好好味,我要慢慢吃嘛,所以自己走到這裡品嘗。」那次是朋友的生日會,當時我剛好十二歲。年記這樣少已經曉得皮笑肉不笑,對人歡笑背人愁的技術,我想有些事情並不是學回來的。

鶴立雞群的人都有著差不多的覆歷表,要不是父母離異早逝,便是年少巧遇過多波折。正因為一些所缺,才會窮一生精力追尋『優越』,這可以是動力,也可以是一世不可磨滅的缺陷。本來需要的是愛,但最終追求得到的可能是財富、成功、大屋及其他無關痛癢的東東,萬物之靈有時都好濕滯!隻狗餓會去食,累會死去訓;我地呢?有時想訓會死頂趕埋個死線先,明明餓到胃痛就扮無事,仲去做尖想換來好身材。你話無計啦,你估唔使食呀?我話你邊度食得咁多呀!

我好想寫一本書,由開始意識要減肥的第一天開始,當中的厭食症、暴食症、自欺欺人及心大心細一一紀錄在案,好讓天下百姓監之,也提醒自己不要重踏尿潭。食物多少,身材好壞只是個殼,心理因素先係個結,你話驚唔驚呀?!
 
5/11/2005
小福
不知是不穩定的天氣還是最近有太多困擾,昨晚劇痛的咽喉果然預兆了今天的傷風,近來東奔西跑見工,今天難得被迫停下來,好好記錄這一切。

跟他原來已經有一個月零七日,時間過得太快,難以細數。他說無論我們有多恩愛,他也預感將來我們終會分開。我否定他的傻念,其實內心比他更明白不測,但我選擇相信另外,相信這一切的永恆;但不安仍然存在,我只好盡量享受跟他相逢的每一秒,好讓不測之後的我無悔不會太多。

還有你呢,我想以後都不會過問太多了。雖然嘴裡說不是,但就是跟你經歷很多,也許有幸明白你一丁點,你的臉上近來總是掛著不快二字。最明顯的就是好久也沒見你開懷大笑,我怕問你,更怕不問你,令你感覺疏離。這一天,我決定不再過問,隨你自己喜歡怎樣就怎樣,也許我真的有點累,畢竟我憑什麼去關心你呢?

找工作已有好一陣子,財庫開始見底了,現在要交租、交卡數,還有生活所需,加起來就是一大堆數字,我一定要在這兩個星期找到合適的工作,否則訓街都唔奇。

多謝可愛熱情的你近來聽我吐了許多苦屎,「龍營」的事可以找我分享呀~ 我都知你已經跟我分享過了,但還可以再來,實是我的福氣去聽。

現在全身著火,好熱,飲完藥一定要睡覺,快點回復精神……快點。
 
5/09/2005
兩瓶氧氣
「假如我的工作需要我間中離港,你點睇?」
『例如呢?』
「我不知道……就是假如吧!」
『那就要看看時間的長短。』
「一個星期三、四天。」
『是什麼工作?我寧可你找一份工作,可讓我們天天一起吃晚飯。』
「唔……我這樣問你,因為我希望一切決定也能考慮到你的感受。」
『只要找一份你喜歡的工作就可以了。』
「如果我知道你不開心,我也不會繼續那份工作,你的感受已在我的生活之中。」

正在找工作的美人現在多了一重考慮,雞翼師姐說戀愛中的我確不同,從來事事愛我!我!我!的人也會先替對方著想,當中更是非常自然與樂意,頑石點頭呀!

不止一次,我跟他都說著難定到爆的俏俏話,有時還會感動得落淚,愛這一個他,心突然重了很多,不是沉重,是擁有實質的內涵。天天都有驚喜與轉變。

‘A relationship might let you understand more about your partner but that of yourself is even greater.’

跟他一起,我看見了更多的自己,喜愛與討厭的、習慣與新鮮的、充滿希望及無奈的和一切不知名的都一一活現眼前。從此以後,我比以前更清楚自己。

上一次到新居,浴室中擁抱著她跟她的東西,我細心看:「啊~ 原來她也在偷偷美白起來呢!」還有經常乾淨無比的地板,當然是熱情可愛的功勞,『家』大概就是這般的模樣了。
 
5/06/2005
快樂的一天
男人,還是有身材的較吸引,太多乜肌物肌點都好過瘦到見肺。同日係灣仔皇后大道東附近見到一四十多歲的阿叔,勞動人仕,身穿陣年牛仔褲,背上掛黑袋,無上裝,好醒神。由遠迎面而來,身材好到爆燈,有九成權相佑之感,皮膚細滑無比,真係望少兩眼都對唔住親朋戚友。阿叔一臉清新平靜,誰不知這一副身材吸引了不少目光,為這個城市帶來一縷清風,更激發起美人走去做 gym 操 fit 的宏願。So inspiring!

他跟我在銅鑼灣等巴士回家,突然有一爆瘦女物從商店走出來,無睇錯應該係張伸月。佢左轉右轉,又停又遠眺,繼而疾步幾野,再站著撥弄秀髮,出盡全力吸引途人視線。見到佢真係心痛,半紅不黑,癡埋扮型copycat 男友個度順手自封創作歌手,歌聲嚇人還不時造作噴屎。今日一見,真係唔乜該晒,我係佢就不如早抖,起碼有個 Beauty Sleep,捱到下一個高潮,東山再起嘛!

TVB名小生羅家良先生話齋:「有麝自然香,我都係做好本份就得架啦!」哦?!係咩?
 
5/05/2005
個人唔同命囉
由於他用「屎媽通」,我就用橙橙;由於他有一年合約,我就無;由於我愛他,他亦愛我,於是我就由橙橙轉左去「屎媽通」,方便大家心連心及免費傳送肉麻長短訊。

「屎媽通」職員那天跟我說:『我家陣將你舊個張 SIM card D 野 save 晒落去新個張個度,咁你就可以 keep 番晒 D contact 啦。』原來記憶力特弱,習慣放下傷心前科的我也有一個地方,有條友叫 SIM card 幫我儲埋晒野。真係唔話得。開台個日,插張新卡,一打開手機,咦?!乜咁快有人 send 左兩個 sms 比我既?

‘I love you. Pls take care of yourself, too’
‘Are u busy in office? I miss you.’

有原來係我兩年前 send 出去既,對像係我上一個 ex, 好驚,我幾時對佢做過咁既野?發乜癲而家又比我睇番?太恐怖啦~ 立刻 delete。

他問我為何還 keep 住前度的照片在手機裡(不是兩年前的那一個),我說這是一張值很記念的照片,我曾經好愛他。現在愛的是你了。他面色一沉,我知有時太坦白又會好易仆街,但既然大話都唔見得好好多,咁就實話實說。我沒有 send 過肉麻野比呢個 ex,但我清楚記得我為自己這一份情做過什麼,無悔個隻添。

世界就是那麼不公平,吹咩?
 
5/03/2005
解圍
近來忙於找工作,其實是忙於戀愛,網上日誌寫少了,大家都心照。有機會獨處時,美人仍然很享受自己一個人的空間,不需要下下都展現最美的模樣。有人話:「o下?!你要係佢面前自然 D,咁佢先可以自乜然咁全然接受你架嘛!」唔好玩啦,呢一套唔多有效,舉個例先啦:心情唔靚,對情人發埋 D 無理由既脾氣,等佢幾時唔忍得,一腳就閃開,睇下你到時又點樣可以率性而為。對住 XX (我在朋友前叫他做『叉叉』,「叉」是本土人稱呼他這國人的方法,兩個「叉」當然比一個 cute,還有 X = kiss,一於要錫夠兩啖先夠喉!),美人永遠溫柔,以柔制剛嘛,上海女人的娘親一早就教曉我,還有雙魚座的父親,八面玲瓏,人生最緊要不忙歡笑,就算有天殘廢了,都可以笑下自己有幾好彩遇到呢 D 野,你估個個都咁好彩架咩?!講講下都唔知講左去邊。呢 D 就真係美人既率性而為,腦裡隨時都有幾萬樣野係度轉呀轉,如果我咁對住 XX 就真係人都癲。不知怎的,寫著寫著,有著他的愛,我覺得比以前更自由一點,更樂觀一點,更奔放一點。 
Our past......
January 2005
February 2005
March 2005
April 2005
May 2005
June 2005
July 2005
August 2005
September 2005
October 2005
November 2005
December 2005
January 2006
February 2006
April 2006


Now you tell me......

- host